Politika e privatësisë

Kjo politikë shpjegon çfarë të dhënash mbledh Shtepi.org, pse i mbledh dhe çfarë të drejtash keni.

Çfarë të dhënash mbledhim

• Të dhënat e llogarisë: emri, emaili, numri i telefonit dhe, për agjencitë, emri dhe adresa e zyrës. Fjalëkalimi ruhet i koduar dhe nuk mund të lexohet nga askush.
• Njoftimet: teksti, çmimi, vendndodhja dhe fotot që publikoni. Këto janë publike.
• Mesazhet: kur pyesni për një pronë, emri, emaili, telefoni dhe mesazhi juaj i dërgohen publikuesit të njoftimit.
• Të dhëna teknike: adresa IP dhe një cookie që ju mban të identifikuar pasi hyni në llogari.

Pse i përdorim

• Për të krijuar dhe mbrojtur llogarinë tuaj.
• Për të publikuar njoftimet dhe për të lidhur blerësit me publikuesit.
• Për të dërguar emaile shërbimi: konfirmimin e adresës, rivendosjen e fjalëkalimit dhe njoftimin për mesazhe të reja.
• Për të parandaluar abuzimin dhe mashtrimin.

Nuk i shesim të dhënat tuaja dhe nuk dërgojmë reklama me email pa pëlqimin tuaj.

Me kë i ndajmë

• Me publikuesin e njoftimit, kur i dërgoni një mesazh.
• Me ofruesit teknikë që na ndihmojnë të mbajmë faqen: strehimi dhe ruajtja e të dhënave (Cloudflare), dërgimi i emaileve dhe, kur paguani për promovim, ofruesi i pagesës (POK ose PayPal). Të dhënat e kartës i trajton vetëm ofruesi i pagesës; ne nuk i shohim dhe nuk i ruajmë.
• Me autoritetet, kur ligji na detyron.

Sa kohë i ruajmë

Të dhënat e llogarisë ruhen sa kohë llogaria është aktive. Njoftimet dhe mesazhet fshihen kur fshini njoftimin ose llogarinë.

Cookies

Përdorim vetëm një cookie të domosdoshme për hyrjen në llogari. Harta në faqen e njoftimit ngarkohet nga OpenStreetMap.

Të drejtat tuaja

Sipas ligjit shqiptar për mbrojtjen e të dhënave personale, keni të drejtë të kërkoni qasje, korrigjim ose fshirje të të dhënave tuaja, dhe të ankoheni pranë Komisionerit për të Drejtën e Informimit dhe Mbrojtjen e të Dhënave Personale. Na shkruani te info@shtepi.org.